Isa Mustafa i gëzohet lirimit të Syljeman Selimit

Kreu i LDK’së, Isa Mustafa, thotë se e ka gëzuar lirimi i ish-komandantit të Shtabit të Përgjithshëm, Sylejman Selimit.

Ish-ambasadori i Kosovës në Shqipëri është liruar sot me kusht, e këtë e ka përshëndetur kryetari i LDK’së.

Ish-kryeministri Mustafa gjithashtu i uroj shëndet Gjeneralit Selimi :

“Më gëzoi lajmi për lirimin e gjeneral Sylejman Selimi. Gjeneral Selimi dha një kontribut të veçantë në luftë dhe në paqe”, thuhet në një postim të Mustafës.

Sylejman Selimi, të premten është liruar me kusht. Ai, sipas aktvendimit të Panelit për Lirim me Kusht. Ai ishte dënuar me vendim të plotfuqishëm me 7 vjet burgim për krime lufte në një nga rastet e njohura si “Drenica”.

Selimi, sipas vendimit për lirimin e tij me kusht, nuk paraqet rrezik për të përsëritur veprimet për të cilat e ka dënuar Gjykata Themelore e Mitrovicës dhe janë vërtetuar deri në Supreme.

Policia e Drenasit me raport vjetorë për vitin 2018

Stacioni Policor ne Drenas në krye me kapitenin Bashkim Bytyqi sot ka prezantuar raportin vjetor të punës për vitin 2018 para qytetarëve.

Sot (ditë e premtë) Stacioni Policor i Drenasit, në Kuvendin Komunal të Drenasit, kanë prezantuar raportin vjetor të punës për vitin e kaluar.

Ky raport ka vlerësuar se Drenasi në përgjithësi ishte shumë i qetë dhe pa incidente duke vazhduar ruajtjen e rendit publik në Drenas, transmeton Teleshkronja Post.

Ne këtë takim pjesëmarrës ishin komandanti i Stacionit, Bashkim Bytyqi me stafin e Stacionit Policor, nënkryetari i Komunës, Gani Sylaj me drejtor të drejtorive komunale, shoqata të dala nga lufta e UÇK-së, përfaqësues të Ushtrisë së Kosovës, KFOR-it, Bashkësisë Islame të Kosovës, të Komunitetit Katolik, kryetar të fshatrave, drejtor të shkollave dhe qytetarë.

Me këtë rast, nënkryetari Sylaj, ne emër të kryetarit Ramiz Lladrovci, ka falënderuar Policinë e Kosovës të cilët kanë kontribuar ne ruajtjen dhe qetësinë publike në Komunën e Drenasit dhe bashkëpunimin që kanë treguar gjatë vitit paraprak.

Ndërsa komandanti i Stacionit Policor në Drenas, Bashkim Bytyqi, ka thënë se viti 2018 ka qenë i suksesshëm dhe bashkëpunues më institucionet relevante për ruajtjen dhe qetësinë publike.

Me theks të veçantë, ka përmendur Komunën e Drenasit, përkatësisht kryetarin Lladrovci për vazhdimin e bashkëpunimit, po ashtu ai ka falënderuar edhe komunitetet fetare që kanë bashkëpunuar me policinë dhe që nuk është shënuar asnjë rast të dhunës ekstreme me motive fetare.

Në këtë takim është prezantuar raporti i detajuar me statistika të rasteve të ndryshme të Stacionit Policor të Drenasit./TeleshkronjaPost/

Haradinaj flet për shkarkimin e Rikallo dhe vizat

Kryeministri i Kosovës, Ramush Haradinaj, pas mbledhjes së Qeverisë është pyetur nëse do ta shkarkojë ministrin e Bujqësisë, Nenad Rikallo.

Kjo është kërkesë e Partisë Socialdemokrate në këmbim të votës pro miratimit të buxhetit, ka thënë se do t’i qëndrojë pas marrëveshjes që kanë me PSD-në.

“Nëse shkarkohet Rikallo nuk është që unë po i bëj një vlerësim të punës, ai është gati në dorëheqje. Me Listën Serbe nuk kam komunikuar, me PSD-në kemi folur për përkrahje të buxhetit. Ne jemi tash në bisedime dhe unë jam me PSD-në. Unë kam problem edhe për kuorum për mbledhje të qeverisë sepse gjithmonë 3 ministra janë mangët”, ka thënë Haradinaj.

Në këtë konferencë Haradinaj ka folur edhe për afatin e liberalizimit të vizave. Ai tha se presidenti Hashim Thaçi ka pasur të drejtë kur ka deklaruar se muaji qershor do të jetë mundësi për liberalizim të vizave.

“Sa i përket liberalizimit, presidenti ka të drejtë, qershori është opsion real, por jemi marr vesh mos me fol shumë. Unë pres edhe më herët të ndodhë, pasi shumë gjëra kanë ndryshuar pas qëndrimit të Berlinit”, ka thënë Haradinaj.

Kalon drafti i ri për Statutin e “Trepçës” në qeveri

Sot në mbledhjen e 86-të të qeverisë u votua drafti i ri për Statutin e minierës së Trepçës.

Qeveria në mbledhjen e sotme ka aprovuar Raportin e punës të vitit 2018 dhe Planin e Veprimit të koordinatorit nacional për Kulturë, Rini dhe Sport për vitin 2019.

Raporti paraqet të përmbledhura aktivitetet e zhvilluara gjatë vitit 2018, ndërsa Plani i Veprimit për vitin 2019 adreson disa problematika që ndërlidhen me kapacitetin e mësim nxënies për metodat e avancuara për të komunikuar me njohurit për rininë. Programi Nacional për Rininë mbështetet në tri lloje të aktiviteteve: Garat për dituri; Garat për kreativitet kulturor dhe mendim kritik; dhe Garat në sport.

Kjo do të realizohet e mbështetur në dy parime themelore: në parimin e gjithë përfshirjes; dhe në parimin e vijueshmërisë.

Aktualisht në Kosovë janë rreth 370 mijë nxënës (rreth 340 mijë në nivelin fillor dhe të mesëm) dhe rreth 110 mijë student. Programi Nacional për Rininë synohet zhvillimi aftësive të tyre me aktivitete të përditshme garuese.

Programi pritet të ndikojë pozitivisht në ngritjen e cilësisë së mësim nxënies, do të identifikojë talentet e reja dhe do të ofrojë përkujdesen e nevojshëm për ta.

Në mbledhjen e sotme kabineti qeveritar ka miratuar Projekt-Statutin e Shoqërisë Aksionare “Trepça”, i propozuar nga Bordi Mbikëqyrës. Versioni i ri i Projekt-statutit dërgohet në Kuvendin e Republikës së Kosovës.

Statuti përcakton themeluesit e shoqërisë aksionare, aksionet e tyre, veprimtarinë, strukturën organizative, kapitalin themeltar, menaxhimin, afarizmin dhe të gjitha çështjet organizative që lidhen me kompaninë. Emërtimi i shoqërisë aksionare është “TREPÇA” Sh.A dhe selia e saj është në Parkun Industrial të Mitrovicës.

Miratimi Statusit të Shoqërisë Aksionare “Trepça” Sh.A., do të mundësojë zbatimin e Ligjit për Trepçën dhe versioni i miratuar sot është në pajtueshmëri të plotë nga të gjithë akterët që ndikohen nga kjo kompani.

Qeveria ka aprovuar Strategjinë shtetërore kundër krimit të organizuar me planin e veprimit 2018-2022. Qëllimi i strategjisë është që me përdorimin sa më racional të burimeve materiale, financiare dhe njerëzore të zhvillojë politika për marrjen e përgjegjësive në parandalimin, luftimin e krimit të organizuar si dhe mbrojtjen e individit dhe shoqërisë nga krimi i organizuar. Përmes kësaj do të ndërtohet një shoqëri e sigurt me mundësi minimale dhe pamundësi për aktivitete të krimit të organizuar në Republikën e Kosovës.

Strategjia është hartuar duke u bazuar në vlerësimet e brendshme vjetore të zbatimit të strategjisë së kaluar 2012-2017. Janë përdorur edhe vlerësimet e jashtme siç janë raportet e Departamentit të Shtetit Amerikan, raportet e EUROPOL-it për Krimin e Organizuar dhe trendët në BE, raportet e Komisionit Evropian dhe dokumente tjera.

Para kabinetit qeveritar është prezantuar ideja për zhvillimin e Projektit “Ndërtimi i Kompleksit (Rezidencave) Qeveritar” në Prishtinë. Sipas projektit të prezantuar, Qeveria në bashkëpunim me investitor të ndryshëm mund të implementojë një projekt që parashihet të finalizohet brenda 7 vjetëve, dhe sipas të cilit Qeveria dhe institucionet do të fitonin më shumë se 1 milion metra katror për akomodimin e tyre.

Kryeministri Haradinaj ka theksuar se kjo ide do të shërbejë për një nxitje më të fuqishme që të realizojë objektivat e saj për akomodim të të gjitha institucioneve në objekte publike./TeleshkronjaPost/

Lirohet Gjeneral Sylejman Selimi

Ish-komandanti i shtabit të përgjthshëm të Ushtrisë Çlirimtare të Kosovës, Gjeneral Sylejman Selimi sot është liruar me kusht.

Një gjë e tillë është konfirmuar edhe nga avokati Tomë Gashi.

“Lirohet Gjeneral Sylejman Selimi! Para pak minutash, pas mbajtjes pa të drejtë për mbi 5 vite dhe pas mbajtjes në vuajtje të dënimit për 227 ditë pa vendim gjyqësor, më në fund është liruar Gjeneral Sylman Selimi”, ka shkruar avokati Gashi në Facebook.

Lajmi është konfirmuar edhe nga drejtori i burgjeve, Nehat Thaçi, përcjellë Teleshkronja.

Ndërkaq, Sylejman Selimi do të lirohet sot dhe do të jetë nën mbikëqyrje të Shërbimit Sprovues të Kosovës deri më 30 tetor të vitit 2020.

Investim prej 51 milion euro nga NATO në bazën ushtarake në Kuçovë

Dje u mbajtë ceremonia mes Ushtrisë Shqiptare dhe Aleancës së Antlantikut të paqës (NATO) për bazën ushtarake në Kuçovë.

Komunikata zyrtare e lëshuar nga NATO :

TIRANË – Shqipëri, Më 24 janar 2019, gjenerali Tod D. Wolters, Komandanti i Komandës Ajrore Aleate, kreu një ceremoni simbolike në Ministrinë e Mbrojtjes të Shqipërisë në Tiranë, duke nisur një investim të sigurisë së NATO-s në bazën ajrore të Kuçovës.

“Është e vështirë të imagjinohet se vetëm dhjetë vite të shkurtra më parë gjatë pranverës së vitit 2009, kombi juaj i madh e përqafoi Aleancën dhe këtu jemi dhjetë vjet më pas festojmë fillimin e përmirësimit të infrastrukturës në bazën ajrore të Kuçovës”, tha gjenerali Wolters i cili ishte në Tiranë në emër të Komandantit Suprem të Forcave Aleate të Evropës.

“Ajo që ne parashikojmë gjatë muajve dhe viteve të ardhshme është përmirësimi i vazhdueshëm i infrastrukturës dhe çfarë do të ndodhë më së fundi, a do të ketë një strehë avioni në Kuçovë.”

“Ne jemi jashtëzakonisht shumë të ngazëllyer për ta avancuar atë shkak “, shtoi gjenerali.

Gjenerali Wolters mori pjesë në një ngjarje për shtyp, së bashku me Ministrin e Mbrojtjes së Shqipërisë, znj. Olta Xhacka, i cili tha:

“Këtë vit Shqipëria është e angazhuar në udhëheqjen e një sërë iniciativash që synojnë mbështetjen e sigurisë rajonale në bashkëpunim me fqinjët tanë të NATO-s. Të promovojë një politikë të zgjerimit të rrjedhës së stabilitetit kolektiv dhe sigurisë. Kjo është e vetmja mënyrë për të demonstruar qartë vlerat euroatlantike në Ballkanin Perëndimor “.

Programi i Investimeve të Sigurisë i NATO-s mbulon projekte të mëdha ndërtimi në vendet aleate për të përmirësuar sigurinë e Aleancës. NATO planifikon të investojë 51 milionë euro për modernizimin e objekteve në bazën ajrore të Shqipërisë Kuçovë duke e bërë atë funksionale sipas kritereve dhe standardeve të miratuara nga NATO. Projekte të ngjashme përfshijnë restaurimin në pistë, ndërtimin e një piste luftarake, përmirësimin e kullës së bazës ajrore, ndërtimin e magazinimit të karburantit, objektin e magazinimit të municioneve dhe stacionin e zjarrit.

Gjatë ceremonisë më 24 janar, avionët luftarakë të aleatëve nga Greqia dhe Italia kryen një të kaluar të fluturimit mbi Tiranën që tregoi angazhimin e Aleancës ndaj Shqipërisë dhe popullsisë së saj. Avionët luftarakë nga Greqia dhe Italia janë përgjegjës për sigurimin e aftësive të Policisë Ajrore mbi Shqipërinë. Kontrolluar nga Qendra e Operacioneve të Kombinuara të Ajrit në Torrejon të Spanjës, nëpërmjet Qendrës së Kontrollit dhe Raportimit në Tiranë, avionët janë gati 24/7 për të ruajtur qiellin në Ballkanin Perëndimor.

Përktheu portali Teleshkronja Post.

Mediat ndërkombëtare për grevën: 500 mijë nxënës në shtëpi

Sektori i Arsimit në Kosovë kanë hyrë në ditën e tyre të 10-të të grevës në Arsim dhe nuk po japin shenja dorëzimi apo fillimi të procesit mësimorë.

Puntorët në sektorin e Arsimit po kërkojnë nga Qeveria e Republikës së Kosovës përmbushjen e kërkesave të tyre për rritjen e koeficientit në Projektligjin për Pagat.

Greva nga sektorit i Arsimit në Kosovë, ka bërë bujë edhe në mediat e huaja ndërkombëtare, transmeton Teleshkronja Post.

Reuters shkruan se mësimdhënësit kosovarë për shkak të grevës kanë bërë që 500 mijë nxënës dhe studentë të mbesin në shtëpi për më shumë se një javë.

Gjithashtu theksohet se edhe mjekët dhe minatorët kanë ndërmarrë veprime për grevë për paga më të larta dhe punonjës të tjerë të sektorit publik po kërcënojnë ta bëjnë këtë, pasi të jetë propozuar një ligj që do të rriste pagat për shërbyesit civilë dhe punonjësit e tjerë të Qeverisë.

Rritja e madhe e pagës së vitit të kaluar për kryeministrin Haradinaj – në 2,950 euro në muaj nga 1,443, gjithashtu renditet me disa punonjës publikë.

“Hapi i parë që zyrtarët qeveritarë do të bënin është rritja e pagave për veten dhe stafin e tyre dhe ata na lënë në një mënyrë të mjerueshme”, është shprehur për Reuters Kadire Preniqi, e cila jep mësim në një shkollë fillore në kryeqytetin e Prishtinës.

Ndërsa ekonomisti, Naim Gashi, ka deklaruar se grevat e sektorit publik shfaqin pakënaqësi rreth mospërputhjeve të pagave duke treguar dhe shembuj.

”Ka raste kur dikush që i lan enët në një institucion publik paguhet më shumë se një mësues”, ka thënë ai.

Ruud Vermeulen, përfaqësuesi rezident i Fondit Monetar Ndërkombëtar në Kosovë tha se rritja e pagave prej 30 përqind do të ishte një barrë shumë e madhe për ekonominë, të cilën FMN-ja pret të rritet 4.2 përqind këtë vit, krahasuar me 4 përqind në 2018.
“Një rritje prej 10 për qind e pagave për mësuesit do të kushtonte rreth 13-14 milionë euro, ose rreth 0.2 për qind të GDP-së (prodhimi i brendshëm bruto), një rritje prej 30 për qind do të kushtonte tre herë më shumë”, shkruan ai në një email për Reuters.

Ndërsa para dy ditësh kryekuvendari Kadri Veseli bëri një kërkesë për zbritje page, e nëse kjo aprovohet atëherë koeficienti i pagës së tij dhe deputetëve do të zbritej nga 11 në 9 në Projektligjin për Sistemin e pagave.

Kapët sasi e madhe e lëndëve të ndaluara nga Policia Kosovës

Policia e Kosovës, konkretishtë Drejtoria për Hetimin e Trafikimit me Narkoti’k në Drejtorinë e Përgjitshme të Policisë në Prishtinë, pas një hetimi disa mujorë, gjatë një operacioni të sukseshëm policor të ndërmarr sot me datë 24.01.2019; ka arrestuar tre (3) persona të dyshuar dhe ka konfiskuar mbi 50 kilogram sasi të substancës së dyshuar narkotike të llojit marihuanë.

“Gjatë realizimit të operacionit policor sot më 24.01.2019, rreth orës 16:00 në rrugën Prishtinë – Gjilan (në fshatin Ponesh) Policia e Kosovës ka ndaluar automjetin Mercedes me targa shqiptare, që drejtohej nga i dyshuari (F. Th.), i cili ishte së bashku me të dyshuarin tjetër (Xh. H.), të dy meshkuj me shtetësi shqiptare dhe pas proceduarve të kontrollit në bagazhin e automjetit në fjalë është gjetur një sasi prej mbi 52 kg, sasi e dyshuar e substancës narkotike e llojit marihuanë”, thuhet në njoftimin e Policisë së Kosovës.

Pas veprimeve të vazhdueshme operacionale taktike të njëjtën ditë (24.01.2019) rreth orës 19:30, në Gjilan (në parkingun e një qendre tregtare) është arrestuar i dyshuari i tretë (L. M.) me shtetësi serbe, i cili dyshohet se kishte për ta pranuar substancën narkotike të lartëcekur.

Policia e Kosovës gjatë këtij operacioni si prova materiale ka sekuestruar:

Dy (2) vetura,
Katër (4) telefona celular,
Dy mijë (2000) euro para kesh dhe
Mbi 52 kg marihuanë,

Ndërsa, sipas vendimit të prokurori kompetent të dyshuarit dërgohen në mbajtje për proceduar të mëtejme ligjore.