Zyrtare: Atletico Madrid nëshkruan me Trippier

Mërkato e Atletico Madridit këtë verë mund të cilësohet si një nga më të mirat këto vitet e fundit nga ndonjë klub evropian.

Edhe pse ju largua ylli i ekipit, Antoine Griezmann, ata kanë vazhduar të përforcohen me lojtarë si Joao Felix – 126 milion euro, Marcos Llorente – 35 milion euro.

Para pak minutash ata zyrtarizuan edhe super lojtarin anglez, Kieran Trippier, raporton Teleshkronja Post.

Trippier iu bashkua klubit nga Madridi për shumëm 35 milion euro nga klubi anglez, Tottenham Hotspur.

Anglezi 28 vjeqarë ka nënshkruan kontratë 3 vjeqare me Los Rojiblancos.

Komunikata zyrtare nga klubi i Atletico de Madrid :

Penaltia e pastër që iu mohua Niklit nga arbitri norvegjes (VIDEO)

Klubi kampion i Super Ligës së Kosovës, KF Feronikeli u eleminua nga Liga e Kampionëve sonte pas humbjes nga The New Saints.

Ekipi uellsian kalon tutje pas fitores 0-1, edhe pse fare lehtë ata mund të eleminoheshin krejt nga gara.

Kjo pasi “Industrialistëve” iu mohua një penalti e pastër në minutën e 92’të, e cila mund t’i kishte dërguar tutje në CHL.

Ky është momenti diskutabil, ku shihet pastër se si mbrojtësi i ekipi uellsian me dorën e hapur prek topin brenda zonës.

Ndërsa ky është goli i vetëm i takimit sonte nga Dean Ebbe në minuten e 66′ të ndeshjes :

Niklit iu shua ëndrra për kualifikim tutje në Ligën e Kampionëve, por skuadra nga Drenasi ka ende punë, pasi do luaj në raundin kualifikues në Europa League.

Vlenë të theksohet se në stadiumin Fadil Vokrri ishin të pranishëm mbi 6 mijë tifozë, të cilët e përkrahen klubin gjatë ndeshjes.

QESHARAKE: Politikanët kosovarë kur të plaken

A keni menduar ndonjëherë sesi do të duket Hashim Thaçi, Ramush Haradinaj apo Kadri Veseli pas disa dekadash? Një aplikacion i ri na mundëson fare lehtë që të udhëtojmë në kohë.

Një aplikacion i ri po bën namin në rrjetet sociale. Për pak sekonda ju mund ta shihni vetën sesi do të dukeni pas 30 vjetësh.

Gazeta Express vendosi t’i ngarkojë fotot e liderëve kryesorë të vendit për të parë si do të duken ata pas disa vjetësh; me shpresë se në atë kohë ata nuk do të jenë në pozitat që mbajnë tash, por në ndonjë shtëpi pleqsh, duke luajtur shah në sheshin “Nënë Terëza” apo thjesht duke qëndruar në shtëpi me nipër dhe mbesa. Tek-tuk, pse jo – ndonjëri edhe në një prej qendrave korrektuese në Kosovë apo jashtë saj.

Më poshtë mund t’i shihni fotot e Hashim Thaçit, Ramush Haradinajt, Dr. Kadri Veselit, Albin Kurtit, Fatmir Limajt, Shpend Ahmetit, Isa Mustafës, Mimoza Kusarit, Vlora Çitakut, Milaim Zeka.

Fotot qesharake se si mund të duken liderët pas 15-20 vitesh :

Ramush Haradinaj.
Fatmir Limaj
Vlora Citaku
Albin Kurti
Shpend Ahmeti
Hashim Thaci
Kadri Veseli
Milaim Zeka
Mimoza Kusari

Shuma e pagave të mjekëve dhe infermierëve që po shkojnë nga Kosova në Gjermani

Menaxheri i kompanisë ‘Interpersonnel Kosova’, Musa Ahmeti, që është partner i kompanisë gjermane ‘DEKRA’ ka thënë se kontratat që bën kompania që ai drejton janë të ligjshme dhe të përhershme me shtetin gjerman.

Ahmeti ka thënë se Gjermania kërkon nga vendet ballkanike rreth 70 mijë infermierë, në ndërtimtari rreth 40 mijë, agronomi dhe bujqësi rreth 50 mijë, industri rreth 35 mijë, industrinë e makinave rreth 20 mijë, informatikë dhe teknologji rreth 15 mijë punëtorë.

“Këta punëtorë kanë rroga dhe kushte jashtëzakonisht të favorshme. Ne kemi argumente se një pjesë e mirë e atyre që shkojnë në Gjermani, punojnë dhe nuk shkëputen nga familja. Ata investojnë në Kosovë dhe një pjesë edhe kthehen dhe krijojnë ndërmarrje të vogla dhe të mëdha”, tha ai në RTV Dukagjini.

Ahmeti thotë se qëllimi nuk është të largohet stafi mjekësor nga Kosova, por të trajnohen të papunët që dëshirojnë të punojnë në Gjermani.

“Atyre personave dëshirojmë t’u mësojmë gjuhen gjermane në nivelin përkatës ku ata dëshirojnë të punojnë dhe të certifikohen e të përgatiten profesionalisht në mënyrë që kur të shkojnë në Gjermani të kenë një vend pune të garantuar dhe të kenë një apartament ku do të qëndrojnë, të kenë kushtet e punës dhe kontratë pune”, tha ai.

Drejtori i kompanisë Interpersonnel Kosova thotë se të gjithë ata që përgatiten nga kjo kompani, u garantohet viza dhe vendi i punës deri në pension.

male doctor smiling standing with his team behind him – isolated

“Kjo kontratë ju garanton rrogë gjermane minimale 1,500 euro neto dhe të gjitha kontributet dhe siguracionet që i kërkon legjislacioni gjerman. Unë them zyrtarisht se në ‘Interpersonnel’ askush nuk ka nënshkruar kontratë me 1,500 euro rrogë. Rroga më e vogël që është nënshkruar për infermierë ka qenë 1,900 euro neto deri në 7,950 euro”.

Ahmeti thotë se rroga e madhe vjen për ata profesionistë që kanë tituj shkencorë, patent shofer, eksperiencë në punë të ndryshme.

Muskujt e Haradinajt marrin vëmendjen, i ngjitet Bjeshkës së malit Mokna me shokë

Dje kryeministri i Republikës së Kosovës, Ramush Haradinaj, po qëndronte në Bjeshkët e malit Mokna.

Tashmë është bërë traditë që Haradinaj t’i vizotojë bjeshkët e vendit gjatë ditëve të fundjavës, gjë të cilen e ka pasion.

Ditën e shtunë Haradinaj ka zgjedhur Bjeshkët e Moknës, ku edhe ka postuar fotografi në të cilën shihet edhe deputeti i AAK’së, Bekë Berisha.

Në fotografinë e publikuar, Haradinaj shihet i zhveshur në pjesën e sipërme me pjestarët e sigurimit dhe shokë të tij, përcjellë teleshkronja.

Shikoni disa foto të publikuara nga deputeti Bekë Berisha në profilin e tij në Facebook :

Deputeti Berisha dhe kryeministri Haradinaj. Foto: FB/beke.berisha.7

Storja e Arnesa Morinës, vajza e Heroit nga fshati Gjergjaj, Mehdi Morinës (VIDEO)

E lindur në Drenicen heroike në fshatin Gjergjicë, Arnesa ka qenë vetëm tre vjeçare, kur familja e saj ka emigruar në Kanada, përtej oqeanit Atlantik.

Gjatë vitit 1999, kulmimi i luftës në Kosovë, forcat serbe e lanë pa babain, Mehdi S. Morina në shtator të vitit 1998.

“Ai do të jetë gjithmonë humbja ime më e madhe në jetë”, thotë Arnisa.

Për 20 vjetorin e Çlirimit të Kosovës – Arnisa Morina ka folur për portalin Insajderi për luftën në Kosovë, humbjen e babait dhe sfidat e familjes përgjatë luftës në Kosovë vitin 1998 – 1999 dhe në fund mundësitë që i ofrojë shteti kanadez.

Si 23 vjeçarje ka treguar se ajo është në prag të doktoraturës në universitetin e “Osgoode Hall Law School”, në Kanadë.

Përgjatë kësaj interviste, Arnisa na foli edhe për vështirësitë në të cilat hasi si refugjate, mes tjerash thekson fakti se si është të jetosh në një shtet si Kanada.

Nga këndi i saj si një mërgimtare, ajo na foli edhe për atë se a do të donte të kthehej në Kosovë si dhe nëse beson se do të kishte njëjtin sukses në sikur të ishte në Kosovë.

Selca: “Gjeneral Shaban Shala një nga figurat më të mëdha politiko-ushtarake të shekullit 20-të”

Kolosi i kombit Shaban Shala na mungon veç fizikisht sepse vepra e tij është madhështore ashtu siç është e familjes së tij në Drenicen heroike si bastion shqiptarizmi.

Shaban Shala dhe Bedri Shala mbarë familja u vunë në shërbim të shpartallimit të Jugosllavisë dhe bashkë me Adem Jasharin, Fehmi Lladrovcin, Rexhep Malen, Nuhi Berishen etj… i vunë hapat e krijimit frontit çlirimtar.

Shaban Shala njihej si intelektualm veprimtar eminent, epror i lartë i UÇK-së, TMK-së e FSK-së, ishte shembull se si punohet flijohet për atdheun, Shqipërinë.

Autor: Erald Selca

Intervista e Gjeneral Shaban Shalës për AP

Lexo edhe: Ish-komandanti i UÇK’së kujton kohën kur Gjergjica ia ktheu pushkën armikut

/TeleshkronjaPost.Info/

Rënie e numrit të vizitorëve nga Kosova në Shqipëri

Turizëm:Gjatë muajit maj Shqipërinë e vizutuan rreth 401 mijë të huaj, sipas të dhënave të INSTAT. Në raport me një viti më parë, rritja e hyrjeve të të huajve ishte minimale, prej vetëm 1.7%, ndryshe nga zgjerimi dyshifror i muajve të mëparshëm.

Efektin kryesor e ka dhënë rënia e turistëve nga Kosova, të cilët për shkak të muajit të Ramazanit nuk kanë udhëtuar gjatë muajit maj. Hyrjet e shtetasve nga Kosova në maj ranë me gati 19% në raport me të njëjtën periudhë të një viti më parë.

Efekti i dytë lidhet me krizën politike, teksa protestat e majit që u shfaqën edhe në televizionet e huaja kanë stepur turistët, sidomos ata të vendeve fqinjë, që vijnë kryesisht me rrugë tokësore. Turistët nga vendi fqinjë Maqedonia, që përbëjnë të dytët në numër pas atyre të Kosovës ranë me 8.3% në maj. Edhe nga mali i Zi ka pasur gati 10% më pak hyrje.

Në tkurrje ishin dhe polakët, me rënie gati 13% në raport me majin e kaluar, një efekt jo vetëm i krizës politike por dhe problemeve që ka Shqipëria me shërbimet, infrastrukturën etj. Rënia e polakëve ishte lajmëruar dhe më parë nga operatorët turistikë, për shkak se agjencitë kishin ulur numrin e charterave. Rrahman Kasa, kryetar i Unionit Turistik Shqiptar dhe Menaxher i Happy Tours, kishte pohuar më herët për Monitor se më pak rezervime ka konfirmuar Tui nga Polonia si dhe vendet nordike, por që ishin zëvëndësuar nga një kompani zvicerane, por edhe disa kompani të vogla hungareze dhe ukrainase që do të balancojnë pjesën e munguar.

Rritjen më të lartë në maj e shënuan shtetasit e huaj nga Italia (+12.2%), Zvicra (26%), Spanja (15%).

Statistikat

Sipas INSTAT, Hyrjet e shtetasve shqiptarë dhe të huaj në territorin shqiptar, në muajin Maj 2019, janë 829.164.

Krahasuar me Maj 2018, ky tregues rezulton me rritje 5,0 %. Në Maj 2019, hyrjet e shtetasve të huaj në vend janë 401.531. Krahasuar me Maj 2018, ky numër është rritur me 1,7 %.

Numri i shtetasve të huaj të hyrë në vendin tonë, në pesëmujorin e parë 2019 është 1.506.618, duke u rritur me 5,8%, në krahasim me të njëjtën periudhë të vitit 2018. Në Maj 2019, ndër vendet që kanë hyrjet më të larta të shtetasve në Shqipëri, Zvicra ka pasur rritjen më të madhe me 25,9 %, ndërsa uljen më të ndjeshme e ka pasur Kosova me 18,7 %.

Në pesëmujorin e parë 2019, ndër vendet që kanë hyrjet më të larta të shtetasve në Shqipëri, Zvicra ka pasur rritjen më të madhe me 28,4 % ndërsa uljen më të ndjeshme e ka pasur Kosova me 9,1 %.

Daljet e shtetasve shqiptarë dhe të huaj nga vendi, gjatë muajit Maj 2019, janë 880.689 duke shënuar një rritje me 4,9 %, krahasuar me të njëjtën periudhë të një viti më parë. Daljet e shtetasve shqiptarë nga territori i Shqipërisë, gjatë muajit Maj 2019, janë 477.282. Krahasuar me Maj 2018, ky numër është rritur 13,1 %. Daljet e shtetasve të huaj nga territori i Shqipërisë gjatë muajit Maj 2019, janë 403.407. Krahasuar me Maj 2018, ky numër është ulur 3,3 %.

Numri i shtetasve shqiptarë të dalë nga territori i vendit tonë në pesëmujorin e parë 2019, është 2196.873 duke u rritur 10,7 %, krahasuar me të njëjtën periudhë të një viti më parë./ Marrë tek: RTK Live/